Auf'm Wase graset d' Hase

1. Auf'm Wase graset d' Hase
Und im Wasser gambel d' Fisch,
|: Lieber will i gar koi Schätzle,
   Als no so en Flederwisch. :|

2. Muetter, muscht mer, schlah me s' Blechle,
Türleshosa macha lau',
|: Daß i au so Türleshosa
   Wie der Herr Provisor hau'. :|

3. Gang mer weg mit Sametschühla,
Gang mer weg mit Bändela
|: Bauramädla send mer liaber,
   Als so Kaffeebembela. :|

4. Wo'n i hau no kratzt und bissa,
Hot mi wölla koina küssa;
|: Seit i nimme kratz und beiß,
   Krieg i Küssla dutzendweis. :|

5. Kleine Kügela muß mer gießa,
Wenn ma Vögela schießa will;
|: Schöne Mädla muß mer lieba,
   Wenn mer schöne Weiber will. :|    
6. Wo'n i hau' mei Schätzle gnomma,
Hot mei Muetter grausig tau',
|: Hot mi bei de Aura gnomma,
   D' Stiega abe fliege lau! :|

7. Sag du no zu meiner Schwieger,
Sui soll mi passiera lau',
|: I werd' schau' mei Schatz versorga,
   Sell werd sui en Dreck a gau! :|

8. Hinter meiner Schwiegermuetter
Ihrem graußa Himmelbett
|: Stot a ganzer Sack voll Sechser,
   Wen i no die Sechser hätt! :|

9. Hinter meinem Schwiegervatter
Seinem graußa Sekretär
|: Stoht a dicker Oichaknippel
   Wenn den no der Deifel hett! :|

10. Auf der Maura laura Baura,
Pfeife wia die Haselmäus.
|: Laßt das Laura, ihr Saubaura,
   Machet mir jo do nix weis! :|